Si Cinpin Hindistan prezidentinə gizli məktub göndərdi

Çin Xalq Respublikasının sədri Si Cinpin mart ayında ABŞ-nin tətbiq etdiyi ticarət rüsumları fonunda Hindistan Prezidenti Draupadi Murmuya gizli məktub göndərib.

TodayPress TV xəbər verir ki, “Bloomberg” bu barədə məsələdən xəbərdar olan Hindistan rəsmisinə istinadla məlumat yayıb. 

Məktubda Çin lideri iki ölkə arasında münasibətlərin yaxşılaşdırılması üçün “yol yoxlaması” aparmaq istədiyini bildirib və ABŞ ilə bağlanacaq hər hansı razılaşmanın Pekinin maraqlarına zərər vura biləcəyindən narahatlığını ifadə edib.

Məlumata görə, məktubdan dərhal sonra Hindistanın Baş naziri Narendra Modinin hökuməti Pekinlə münasibətləri yaxşılaşdırmaq istiqamətində ciddi addımlar atmağa başlayıb. Eyni vaxtda Çin hakimiyyəti də Si Cinpinin bəyanatını dərc edib və orada Hindistanla münasibətləri “əjdaha və filin tanqosu” adlandırıb.

Qiymət Mahir