Rusiyadan Antalyaya uçan təyyarəyə bomba xəbərdarlığı
“Azimuth Airlines” aviaşirkətinə məxsus, Rusiyanın Mineralnıye Vodı şəhərindən Türkiyənin Antalya şəhərinə uçan “Sukhoi Superjet 100” tipli sərnişin təyyarəsinə bomba qoyulması barədə məlumat daxil olub.
TodayPress TV-nin xarici KİV-ə istinadən verdiyi məlumata görə, Antalya hava limanında təhlükəsizlik tədbirləri gücləndirilib. Təyyarə ikinci uçuş-enmə zolağına endikdən sonra 5 nömrəli perrona, təhlükəsiz əraziyə yönləndirilib.
Təyyarədə olan 65 sərnişin və 4 ekipaj üzvü təxliyə edilib. Bundan sonra təhlükəsizlik qüvvələri təyyarədə axtarışlara başlayıb.