Rusiya Ermənistanın "BOĞAZINA BIÇAQ DİRƏDİ" - Əgər Avropa Birliyinə üzv olsanız..

Ermənistan Aİ-yə qoşularsa, ÜDM-in ən azı 23%-ni itirə bilər.

TodayPress TV xəbər verir ki,  bu barədə Rusiya Təhlükəsizlik Şurası məlumat yayıb.

Təhlükəsizlik Şurası katibinin müavini Aleksey Şevtsov bildirib ki, Aİ-yə üzvlük əmək bazarının 10,5% daralmasına və inflyasiyanın 22,6% artmasına səbəb ola bilər.

Onun sözlərinə görə, xüsusilə Ermənistanın daxili istehlakı hazırkı səviyyə ilə müqayisədə 20%-dən çox azala bilər. Bundan əlavə, təbii qaz da daxil olmaqla enerji daşıyıcılarının qiymətlərinin daha da artacağı gözlənilir.

Şevtsov qeyd edib ki, Ermənistanın Aİ-yə mümkün üzvlüyü, eləcə də Rusiya və İranla viza rejiminin tətbiqi turist axınının azalmasına gətirib çıxara və ölkə iqtisadiyyatına mənfi təsir göstərə bilər.

Jalə Rövşən 

TodayPress TV