Rumıniya neft bazarında böhran elan etdi

Rumıniya hökuməti ölkənin yanacaq sektorunda 2026-cı il aprelin 1-dən iyunun 30-dək böhran vəziyyəti elan edib və bu müddətin bir neçə dəfə uzadılması mümkündür.  

TodayPress TV xəbər verir ki, bu barədə ölkənin Nazirlər Kabinetinin qəbul etdiyi qətnamədə deyilib. 

Sənəddə ölkə iqtisadiyyatını və əhalisini İranla bağlı münaqişədən qaynaqlanan yanacaq qiymətlərinin artmasının təsirindən qorumaq üçün tədbirlər nəzərdə tutulub.  

Bildirilib ki, neft şirkətlərinin kommersiya mənfəəti 2025-ci ilin orta göstəricisi ilə məhdudlaşdırılacaq, benzindəki bioyanacağın miqdarı məcburi 8%-dən 2%-ə endiriləcək və ölkədən dizel yanacağının ixracına yalnız İqtisadiyyat və Energetika Nazirliklərinin razılığı ilə icazə veriləcək. 

Aysel Mətləb

TodayPress TV