Rubio NATO XİN rəhbərlərinin görüşünə qatılmayacaq

ABŞ dövlət katibi Marko Rubio dekabrın 3-də NATO xarici işlər nazirlərinin Brüsseldə keçiriləcək görüşündə iştirak etməyi planlaşdırmır.

TodayPress TV  "Reuters" ə istinadən xəbər verir ki, bu barədə " ABŞ rəsmiləri bildirib.

Agentlik qeyd edir ki, ABŞ kimi aparıcı ölkənin yüksəkvəzifəli diplomatının belə mühüm transatlantik tədbirdə iştirak etməməsi nadir hal hesab olunur. Rubio əvəzinə görüşdə ABŞ-ni onun müavini Kristofer Landaunun təmsil edəcəyi bildirilir.

ABŞ dövlət katibinin toplantıda niyə iştirak etməməsi ilə bağlı səbəblər açıqlanmayıb.

Xatırladaq ki, daha əvvəl Rubio Avropa İttifaqı və NATO-nun Ukrayna münaqişəsinin nizamlanmasında rolu məsələsinin hələ müzakirə olunmalı olduğunu bildirmişdi.  

Jalə Rövşən 

TodayPress TV