Orban: "Ukrayna bufer zona kimi qalmalıdır"

Dünya

24.01.2026 21:56

"Ukrayna NATO-ya üzv olmamalı və alyansla Rusiya arasında bufer zona kimi qalmalıdır". 

TodayPress TV xəbər verir ki, bu barədə Macarıstanın Baş naziri Viktor Orban bildirib.

O, bu fikirləri ölkənin cənub-qərbində yerləşən Kapoşvar şəhərində hakim Macarıstan Vətəndaş Birliyi partiyasının fəalları ilə görüşü zamanı səsləndirib.

Baş nazir qeyd edib ki, Ukraynanın NATO-ya üzv olmaq istəyi mövcud münaqişənin əsas səbəblərindən biridir. Onun sözlərinə görə, NATO və Avropa İttifaqı öz qoşunlarını Rusiya sərhədlərinə yaxınlaşdıra bilməz, çünki bu addım Rusiyanın hərbi cavabı ilə nəticələnəcək.

Türkan İsgəndərli

TodayPress TV 

tag: Ukrayna,NATO,Rusiya,Macarıstan,Todaypress.tv,