Orban Rusiyaya getdi

Dünya

28.11.2025 15:00

Macarıstanın Baş naziri Viktor Orban Rusiya Prezidenti Vladimir Putinlə görüşmək üçün Moskvaya gedib.

TodayPress TV xəbər verir ki, bu barədə Kreml məlumat yayıb.

Danışıqlar yaxın vaxtda başlayacaq və görüşə yüksək vəzifəli rəsmilər də qoşulacaq.

Görüşün əsas mövzuları Rusiyanın Macarıstana enerji təchizatı və Ukrayna münaqişəsi olacaq. Orban bildirib ki, səfərinin məqsədi qış üçün ölkəsinin enerji təminatını gücləndirməkdir.

Bu, Orban və Putinin 2022-ci ildən bəri dördüncü görüşüdür. Macarıstan Baş naziri Avropa İttifaqının tənqidlərinə baxmayaraq, Moskva ilə əlaqələri davam etdirir və dəfələrlə atəşkəs və sülh danışıqlarının başlanmasını dəstəklədiyini vurğulayıb.

Türkan İsgəndərli

TodayPress TV

tag: Macarıstan,Rusiya,Putin,Orban,Todaypress.tv,