NATO Ukraynaya hərbi yardımla bağlı təcili iclas keçirəcək

NATO-nun Ukraynaya Hərbi Dəstək üzrə Təmas Qrupu iyulun 21-də gözlənilmədən iclas keçirəcək. 

TodayPress TV xəbər verir ki, bu barədə alyansın mətbuat xidməti məlumat yayıb.

İclas NATO Baş katibi Mark Ruttenin iştirakı ilə onlayn formatda baş tutacaq. Gündəlik açıqlanmayıb.

Görüş ABŞ Prezidenti Donald Trampın Avropa ölkələri vasitəsilə Ukraynaya silah satışını təklif etməsi fonunda keçiriləcək. Tramp iyulun 14-də Ukraynaya yeni silahlar, o cümlədən "Patriot" zenit-raket sistemləri göndərəcəyinə söz verib.

Almaniya Müdafiə Nazirliyi isə bildirib ki, bu sistemlərin tədarükü və koordinasiyası vaxt tələb edir və proses aylarla çəkə bilər.

Türkan İsgəndərli