NATO: Ukraynaya hərbi kontingent göndərilməsi gündəmdə deyil
NATO Ukraynaya təhlükəsizlik zəmanəti üçün hərbi kontingent göndərilməsi məsələsini müzakirə etmir.
TodayPress TV xəbər verir ki, bunu “Corriere della Sera”ya müsahibəsində Alyansın Hərbi Komitəsinin rəhbəri Cüzeppe Kavo Draqone deyib.
Onun sözlərinə görə, bu, əslində Rusiya ilə danışıqlarda siyasi müzakirə mövzusudur və hələ “başlanğıc mərhələsində”dir.
Draqone bildirib ki, təhlükəsizlik zəmanətlərinə dair Avropa siyasətçilərinin müəyyənləşdirdiyi şərtlər kontekstdə dəqiq təsbit edilməlidir:
“Məsələn, kim qərar verəcək ki, razılaşmaların pozulması Rusiya, yoxsa Ukrayna tərəfindən olub? Hansı əraziyə nəzarət olunmalıdır? Hərbçilər sadəcə müşahidə etməli, yoxsa müdafiə də etməlidirlər və əgər edəcəklərsə, hansı silahla? Bunların heç biri müəyyənləşdirilməyib”.
O, bütün sualların açıq qaldığını vurğulayıb və NATO-nun əsas diqqətinin üzv ölkə vətəndaşlarının müdafiəsinə yönəldiyini qeyd edib. Bununla yanaşı, Draqone Alyansın Ukraynaya dəstəkdə tam sadiqliyini təsdiqləyib.
Qiymət Mahir
