Müctəbanı İsrail raketlərindən gizlətdilər: SEPAH-dan GƏRGİN ƏMƏLİYYAT

Müctəba Xamenei ilə bağlı təhlükəsizlik narahatlıqları artır.

TodayPress TV xəbər verir ki, bu barədə "The New York Times" məlumat  yayıb.

Nəşr yazıb ki, İranın yüksək vəzifəli rəsmiləri, İsrailin onların hərəkətlərini izləyə və onu hədəfə ala biləcəyindən ehtiyat edərək, onunla birbaşa təmasdan çəkinirlər.

Ağır yaralanmasına baxmayaraq, rəsmilər bildirirlər ki, Xamenei zehni cəhətdən ayıqdır və fəaliyyətini davam etdirir. O, ayağı və əlindən bir neçə əməliyyat keçirib, protez qoyulacağı gözlənilir. Üzündə ciddi yanıqlar var ki, bu da danışmasını çətinləşdirir və əlavə tibbi prosedurlara ehtiyac yarada bilər.

Prezident Məsud Pezeşkian   və səhiyyə naziri də Müctəbanın müalicəsində şəxsən iştirak ediblər.

Qeyd edilib ki, təhlükəsizlik və zəif görünmək narahatlıqları səbəbindən o, hələlik heç bir ictimai çıxış etməyib və səs yazısı yaymayıb. Onunla ünsiyyət etibarlı kuryerlər vasitəsilə çatdırılan əlyazma mesajlar vasitəsilə həyata keçirilir.

Jalə Rövşən 

TodayPress TV