Merts Makronla Avropada nüvə çəkindirməsi məsələsini müzakirə edir

“Fransa Prezidenti Emmanuel Makron ilə Avropada nüvə çəkindirməsi məsələsi üzrə gizli danışıqlara başlamışam”. 

TodayPress TV xəbər verir ki, bu barədə Almaniya kansleri Fridrix Merts Münhen Təhlükəsizlik Konfransındakı çıxışında danışıb. 

Kansler bildirib ki, Almaniya bu sahədə hüquqi öhdəliklərini xoş niyyətlə yerinə yetirir. Onun sözlərinə görə, Avropa nüvə çəkindirməsi məsələsi NATO çərçivəsində nüvə silahlarının birgə istifadəsi proqramının ayrılmaz hissəsi kimi qiymətləndirilir. 

Almaniya kansleri eyni zamanda Avropa ölkələrini “Birləşmiş Ştatları tələsik rədd etməməyə” çağırıb və transatlantik etimadın bərpası, möhkəmləndirilməsi üçün səylərin artırılmasının vacibliyini qeyd edib. 

Aysel Mətləb

TodayPress TV