İsveç məktəblərində telefon qadağan olunacaq
İsveç hökuməti 2026-cı ildən etibarən ölkədəki məktəblərdə mobil telefonların istifadəsini qadağan etmək qərarına gəlib.
TodayPress TV xəbər verir ki, bu barədə İsveçin təhsil naziri Simona Mohamsson ölkənin rəsmi radiosu “SR”-yə açıqlamasında məlumat verib.
Onun sözlərinə görə, qadağa ibtidai, orta və tam orta məktəblərin (liseylərin) bütün pillələrini əhatə edəcək.
Nazir qeyd edib ki, qərar 2026-cı ildə qüvvəyə minəcək və telefonlardan istifadə yalnız dərs zamanı deyil, tənəffüslərdə də qadağan olunacaq.
Mohamsson əlavə edib ki, bu təşəbbüsün həyata keçirilməsi üçün hökumət 10 milyon dollar büdcə ayırıb:
“Şagirdlər “TikTok” sosial şəbəkəsində vaxt itirmək əvəzinə, tənəffüslərdə dostları ilə vaxt keçirməyi və ya futbol oynamaqdan zövq almağı öyrənməlidirlər”, - deyə o vurğulayıb.
Aysel Mətləb
