İran və ABŞ arasında təcili danışıqlar! Hərbi əməliyyatlar dayandırılır?

Qətər vasitəçilərinin sentyabrın 28-i və ya 29-u Nyu-Yorkda İranın xarici işlər naziri Abbas Əraqçi və ABŞ tərəfi ilə ayrı-ayrılıqda danışıqlar aparacağı gözlənilir.

TodayPress TV xəbər verir ki, bu barədə danışıqlar barədə məlumatlı olan rəsmi "Reuters"ə bildirib.

Rəsmi vurğulayıb ki, müzakirələrin əsasən İranın keçən həftə BMT-nin Baş Assambleyası çərçivəsində təqdim etdiyi yeddi günlük təklifin düzəliş edilmiş versiyasına həsr olunacağı gözlənilir.

Məlumata görə, Əraqçi Baş Assambleyada iştirak etdikdən sonra Nyu-Yorkda qalıb. Vasitəçilərlə danışıqlarda ABŞ tərəfini kimin təmsil edəcəyi hələ ki, bəlli deyil.

Qeyd edək ki, yeddi günlük plan İran və Livanda bütün hərbi əməliyyatların dayandırılmasını, milyardlarla dollar dəyərində İran aktivlərinin dondurulmasının ləğvini, İran neftinə tətbiq edilən sanksiyalara son qoyulmasını və İran limanlarından ABŞ blokadasının götürülməsini nəzərdə tutur.

Bundan sonra Tehran Hörmüz boğazının yenidən açılmasına icazə verəcək və tərəflər, həmçinin İranın nüvə proqramı üzrə danışıqları bərpa edəcəklər.

Aysel Mətləb