İndoneziyada güclü zəlzələ baş verdi
Amerika Birləşmiş Ştatları Geoloji Tədqiqat Xidməti (USGS) İndoneziyada 5,8 bal gücündə zəlzələ baş verdiyini açıqlayıb.
TodayPress TV xəbər verir ki, zəlzələnin episentri Poso şəhərindən 15 kilometr şimalda yerləşib.
İndoneziya Milli Fəlakət İdarəetmə Agentliyi (BNPB) zəlzələ nəticəsində 29 nəfərin yaralandığını bildirib. Onlardan ikisinin vəziyyəti ağırdır və yaralılar xəstəxanaya yerləşdirilib.
Zəlzələdən sonra 10 afterşok qeydə alınıb. Ən güclüsü 3,2 bal, digərləri isə orta hesabla 2,0 bal təşkil edib.
Türkan İsgəndərli
