Gənc futbolçunun taleyi faciə ilə bitdi: 20 yaşında öldürüldü
Qəzza zolağında İsrailin həyata keçirdiyi hava zərbəsi nəticəsində 20 yaşlı fələstinli futbolçu Mahmud Kamal Əbdül-Malik həyatını itirib.
TodayPress TV xəbər verir ki, regional və idman mənbələrinin məlumatına görə, Əbdül-Malik “Qaza Sports” futbol klubunun kapitanı və qapıçısı olub.
Faciə futbolçunun xüsusi turnirin final matçında meydana çıxmasından cəmi beş gün sonra baş verib. Həmin yarış 2023-cü ilin oktyabrından bəri Qəzza zolağında həlak olan fələstinli idmançıların xatirəsinə həsr olunub.
Kübra Musayeva
