Əraqçi və Qalibaf Qətərdə: Nələr müzakirə edilir?
İran parlamentinin sədri Məhəmməd Bağır Qalibaf və xarici işlər naziri Abbas Əraqçi müharibəyə son qoyacaq potensial ABŞ-İran sazişini müzakirə etmək məqsədilə Dohadadır.
TodayPress TV xəbər verir ki, bu barədə "Reuters" agentliyinə səfər barədə məlumatı olan rəsmi mənbə bildirib.
Məlumata görə, rəsmilər Qətərin Baş naziri və xarici işlər naziri Şeyx Məhəmməd bin Əbdülrəhman bin Casim Əl Tani ilə danışıqlar aparıblar.
Müzakirələr əsasən Hörmüz boğazı və İranın yüksək dərəcədə zənginləşdirilmiş uran ehtiyatı ətrafında cəmləşib.
Məlumata əsasən, yekun razılaşmanın bir hissəsi olaraq İranın dondurulmuş vəsaitlərinin sərbəst buraxılması imkanlarını müzakirə etmək üçün İran Mərkəzi Bankının sədri də nümayəndə heyətinin tərkibində yer alıb.
Aysel Mətləb
