Dünyada ilk! - iki ölkə arasında kanat yolu olacaq

Rusiya ilə Çin arasında dünyanın ilk beynəlxalq sərhədyanı kanat yolunun 2027-ci ilin mayında istifadəyə verilməsi planlaşdırılır.

TodayPress TV "TASS"a istinadən  xəbər verir ki, bu barədə “Arxitektory.rf” proqramının məzunu, Ərazi İnkişaf Mərkəzinin direktoru Pyotr Strelets Rusiya Prezidenti Vladimir Putinə məlumat verib.

Onun sözlərinə görə, Blaqoveşçenskdən Çinin Heyxey şəhərinə qədər uzanacaq kanat yolunun gələn ilin may ayında, AmurExpo forumu çərçivəsində açılması nəzərdə tutulur.

Strelets layihənin açılış qrafiki ilə bağlı Putinin sualını cavablandırarkən bildirib ki, hazırkı plana əsasən, obyekt məhz həmin tarixdə istifadəyə veriləcək.

Jalə Rövşən