Avropa uğurlarından sonra şok qərar — Reis komandadan getdi

Türkiyənin UEFA Konfrans Liqasında uğurlu çıxışı ilə diqqət çəkən “Samsunspor” klubu baş məşqçi Tomas Reis ilə əməkdaşlığı dayandırıb.

TodayPress TV xəbər verir ki, klubun rəsmi açıqlamasına görə, 52 yaşlı almaniyalı mütəxəssislə müqaviləyə qarşılıqlı razılıq əsasında xitam verilib. 

Ayrılığın səbəbləri barədə ətraflı məlumat açıqlanmasa da, rəhbərliyin yeni mərhələyə fərqli məşqçi strategiyası ilə başlamaq istədiyi bildirilir.

Qeys edək ki, Tomas Reis 2024-cü ildə komandanın sükanı arxasına keçmiş və qısa müddətdə diqqətçəkən nəticələr əldə etmişdi. Onun rəhbərliyi altında “Samsunspor” Türkiyə Superliqasında bürünc medallar qazanaraq son illərin ən uğurlu mövsümlərindən birini yaşamışdı. Komandanın Avropa kuboklarında rəqabətədavamlı çıxışı da alman mütəxəssisin işinin əsas nailiyyətlərindən hesab olunur.

Namiq HUN

TodayPress TV