Almaniyada sosial şəbəkələrə yaş məhdudiyyəti müzakirəsi

Almaniya Bundestaqında Xristian-Sosial İttifaqının (XSS) torpaq qrupu rəhbəri Aleksandr Hoffmann hakim koalisiyadakı tərəfdaşlarının sosial şəbəkələrdən istifadə üçün yaş məhdudiyyəti tətbiq etmək təşəbbüsünü tənqid edib.

TodayPress TV xəbər verir ki, o, bu barədə “Augsburger Allgemeine” qəzetinə müsahibəsində danışıb.

“Bu qadağa ilə bağlı müzakirə reallığa uyğun deyil. Vacib olan odur ki, uşaqlar təhlükəli kontentdən daha yaxşı qorunma ilə yanaşı, öz media savadlılıqlarını inkişaf etdirməyi öyrənsinlər”, – deyə Hoffmann bildirib.

Onun fikrincə, qadağalar tətbiq etmək əvəzinə, gənc nəslə sosial şəbəkələrdən “düzgün istifadə” qaydaları öyrədilməlidir.

Qiymət Mahir