ABŞ qüvvələri Karib dənizində daha bir gəmiyə hücum etdi

ABŞ ordusu Karib dənizində narkotik qaçaqmalçılığı ilə məşğul olduğu iddia edilən gəmiyə zərbə endirildiyini bildirib.

TodayPress TV xəbər verir ki, bu barədə ABŞ Cənub Komandanlığı "X" sosial media hesabında paylaşım edib. 

"Kəşfiyyat gəminin Karib dənizində narkotik qaçaqmalçılığı üçün məlum marşrutlarda hərəkət etdiyini və narkotik ticarəti üçün istifadə olunduğunu təsdiqlədi", - açıqlamada deyilir.

Hücum nəticəsində üç nəfərin həyati təhlükə yaradan xəsarətlər aldığı bildirilir. Məlumatda vurğulanıb ki, ABŞ hərbçilərindən heç biri zərər görməyib.

Qeyd edək ki,  fevralın 6-da ABŞ qüvvələri Şərqi Sakit okeanda narkotik qaçaqmalçılığı şübhəli bilinən bir gəmiyə zərbə endirib. Əməliyyat, kəşfiyyatın narkotik qaçaqmalçılığı şübhəli bilinən iki şəxsin öldürüldüyünü təsdiqləməsindən sonra həyata keçirilib.

Xatırladaq ki, yanvar ayının sonlarında  ABŞ Prezidenti Donald Tramp İsveçrədə keçirilən Dünya İqtisadi Forumunda çıxış edərək ölkə ordusunun narkotik qaçaqmalçılarının yerüstü hədəflərinə zərbələr endirməyə başlayacağını elan etmişdi.

O, həmçinin ABŞ ordusunun bütün qanunsuz maddələr qaçaqmalçılarını məhv etmək niyyətində olduğunu vurğulamışdı. 

Jalə Rövşən 

TodayPress TV