ABŞ: Çin yeni nəsil nüvə silahı hazırlayır

ABŞ kəşfiyyat orqanları Çinin yeni nəsil nüvə silahı üzərində çalışdığını və son illərdə arsenalının yenilənməsi çərçivəsində ən azı bir gizli sınaq keçirdiyini iddia edir.

TodayPress TV xəbər verir ki, "CNN" məlumat yayıb.

Məlumatda bildirilir ki, nüvə arsenalına yatırılan investisiyalar Çini Rusiya və ABŞ ilə bərabər statusa yaxınlaşdıra, həmçinin hazırda heç bir dominant nüvə dövlətində olmayan texniki imkanlar təmin edə bilər.

İddialara əsasən, Çin 1996-cı ildən qüvvədə olan moratoriuma baxmayaraq, 2020-ci ilin iyun ayında gizli nüvə sınağı həyata keçirib və gələcəkdə daha bir neçə sınaq keçirməyi planlaşdırır. ABŞ kəşfiyyatının qiymətləndirməsinə görə, Pekin bir raket daxilində çoxsaylı miniatür nüvə başlıqlarının yerləşdirilməsini nəzərdə tutan “növbəti nəsil” silah sistemi hazırlayır.

"CNN" həmçinin iddia edir ki, Çin indiyədək istehsal etmədiyi kiçik həcmli taktiki nüvə silahı da hazırlayır. Bildirilir ki, bu silah Pekinin ərazisinə yaxın hədəflərə, o cümlədən ABŞ-nin Tayvanı müdafiə etməsi ehtimalı olan ssenarilərdə istifadə oluna bilər.

Türkan İsgəndərli

TodayPress TV