"20 ildə 20-yə yaxın yeni bina tikmişik” - Hafiz Paşayev
"20 illik fəaliyyətimiz dövründə ADA Universitetinin kampusunda 20-yə yaxın yeni bina inşa edilib və müasir təhsil-tədqiqat infrastrukturu formalaşdırılıb".
TodayPress TV xəbər verir ki, bu fikirləri ADA Universitetində keçirilən İnformasiya və Kommunikasiya Texnologiyalarının Tətbiqi üzrə 20-ci IEEE Beynəlxalq Konfransında (AICT2026) çıxış edən rektor, səfir Hafiz Paşayev deyib.
Rektor çıxışında ADA-nın yalnız diplomatiya və humanitar sahələrlə kifayətlənmədiyini, texniki sahələrin və mühəndisliyin də əsas hədəflərdən biri olduğunu diqqətə çatdırıb:
"Universitetimiz mühəndislik elmlərinə, o cümlədən elektrotexnika və informasiya texnologiyaları sahələrinə xüsusi önəm verir. Biz bu istiqamətdə qlobal elmi mərkəzlərlə tərəfdaşlığı genişləndirməkdə maraqlıyıq".
Qeyd edək ki, "20 ildir elmi, texnologiyanı və cəmiyyəti birləşdiririk" şüarı altında keçirilən yubiley konfransı çərçivəsində dünya səviyyəli alimlərin məruzələri və panel müzakirələri təşkil olunub.
Jalə Rövşən
