Bakıdan dünyaya çağırış: Şəhərlər yerli xalqları niyə görməzdən gəlir?
“Meksika yerli xalqlarla bağlı məsələlərə sadiq ölkələrdən biridir”.
TodayPress TV xəbər verir ki, bunu Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunan “Bağlantının mərkəzində şəhərlər: Şəhərlərin yenidən qurulması və regional əməkdaşlıq” adlı xüsusi sessiyada Meksikanın Xarici İşlər Nazirliyinin Vətəndaş Cəmiyyəti Təşkilatları ilə Əlaqələr üzrə baş direktoru Mariana Posada Lombana deyib.
O bildirib ki, Meksikada 2020–2024-cü illəri əhatə edən Milli İnsan Hüquqları Proqramı tarixən ayrı-seçkiliyə məruz qalan qruplara yönəlmiş tədbirləri prioritet kimi müəyyən edib.
Mariana Posada Lombana vurğulayıb ki, bu qrupların üzləşdiyi struktur bərabərsizliyin dərin tarixi kökləri var:
“Bu səbəbdən fərqləndirilmiş, mədəni baxımdan uyğun və davamlı müdaxilələr tələb olunur”.
Meksikalı rəsmi əlavə edib ki, ölkəsi yerli xalqlarla bağlı məsələlərə böyük önəm verir və WUF13 platforması digər ölkələr üçün də çağırış rolunu oynayır:
“Yerli xalqları görünən etmək, onları inteqrasiya etmək və bütün dövlət siyasətlərinə daxil etmək lazımdır”.
Qiymət Mahir
