Azərbaycan Çexiya ilə bəzi sahələrdə fəaliyyətləri gücləndirir

Azərbaycan Çexiya ilə bir sıra sahələrdə birgə fəaliyyətin gücləndirilməsini müzakirə edib.

TodayPress TV xəbər verir ki, bunu iqtisadiyyat naziri Mikayıl Cabbarov "X" sosial şəbəkəsindəki hesabında bildirib.

Nazir qeyd edib ki, bu barədə müzakirələr Çexiyaya işgüzar səfər çərçivəsində bu ölkənin sənaye və ticarət naziri Lukaş Vlçek ilə görüşdə aparılıb.

“İqtisadi əməkdaşlıq kontekstində ikitərəfli ticarət dövriyyəsinin artırılması, sənaye, nəqliyyat, tranzit, turizm və investisiyalar sahəsində birgə fəaliyyətin gücləndirilməsi imkanlarını nəzərdən keçirdik”, - deyə M. Cabbarov qeyd edib.