"Zirə" yoxlama oyununda "Iğdır" klubuna məğlub oldu
Türkiyənin Bolu şəhərində təlim-məşq toplanışında olan "Zirə" bu gün növbəti yoxlama oyununu keçirib.
TodayPress TV-nin məlumatına görə, Rəşad Sadıqovun baş məşqçisi olduğu kollektiv yerli "Iğdır" komandası ilə üz-üzə gəlib.
Qarşılaşma rəqibin qələbəsi ilə bitib. "Zirə"nin heyətində Yeqor Boqomolski dubl edib, digər qolu Elçin Əlicanov vurub.
Xatırladaq ki, "Zirə" qonşu ölkədəki ilk matçında Özbəkistan təmsilçisi "Navbahor"a 1:3 hesabı ilə uduzub. "Qartallar" Bakıda keçirdiyi qarşılaşmada "Qarabağ"a 3:4 hesabı ilə məğlub olub.
