Keyn adını əsrə yazdı
“Bavariya” klubunun hücumçusu Harri Keyn tarixi rekorda imza atıb.
TodayPress TV “Squawka”ya istinadən xəbər verir ki, Bundesliqanın V turunda “Verder”lə oyunda dubl edən ingiltərəli forvard Münhen klubunun heyətində 100-cü qolunu vurub.
Harri Keynə bu göstəriciyə çatmaq üçün cəmi 104 oyun kifayət edib. Bu isə XXI əsrdə Avropanın top-5 liqasının klublarında çıxış edən futbolçular arasında ən sürətli nəticədir.
Qeyd edək ki, Kriştiano Ronaldo və Erlinq Haaland 100 qola 105 matçda çatıblar.
Namiq HUN
