Cüdoçular mundiala xoş əhval-ruhiyyədə yollanırlar
Macarıstanda baş tutacaq dünya çempionatı ərəfəsində cüdoçuların reytinqi açıqlanıb.
TodayPress TV xəbər verir ki, cüdoçularımızın bir qismi iyunun 13-də start götürəcək Budapeşt mundialı öncəsi öz reytinqini yaxşılaşdırıb.
Elcan Hacıyev (90 kq) bir pillə irəliləyərək 5-ci yerə yüksəlib. Zelim Tçkayev (81 kq) sıralamanın altıncısıdır. Balabəy Ağayev (60 kq) isə ilk onluqda yerini bərpa edib. Uşanqi Kokauri (+100 kq) də mövqeyini qoruyub.
Dünya reytinqinin ön sırasında olan Olimpiya çempionları Hidayət Heydərov (73 kq) və Zelim Kotsoyev (100 kq) da liderliklərini davam etdirirlər.
Namiq HUN
