Çempionun forması hərracda milyon dollara satıldı
Əfsanəvi basketbolçu Maykl Cordanın 1992/1993 mövsümündə NBA çempionu olduğu forması 2 milyon 623 min dollara satılıb.
TodayPress TV ESPN-ə istinadən xəbər verir ki, forma "Heritage Auctions" hərrac evində öz sahibini tapıb.
Basketbolçu 1992/1993 mövsümündə 17 oyunda forma geyinib.
Həqiqətən də bu formanı Cordanın geyindiyini sübut etmək üçün mütəxəssislər sözügedən dövrlərdə 11 matçdan fotoları müqayisə etməklə araşdırma aparıblar.
Qeyd edək ki, Maykl Cordanla əlaqəli ən bahalı əşya 1998-ci ildə NBA finallarında geyindiyi fomadır. Bu geyim 2022-ci ildə 10 milyon dollara satılıb.
Namiq HUN
