Böyük duel öncəsi Madridə sevindirici xəbər – Mbappe oynayacaq

“Real Madrid” klubunun UEFA Çempionlar Liqasının pley-off mərhələsinin ilk oyununda “Benfica” ilə qarşılaşma öncəsi heyət xəbərləri açıqlanıb.

TodayPress TV xəbər verir ki, bu barədə klubun rəsmi saytı məlumat yayıb. 

Baş məşqçi Alvaro Arbeloa bildirib ki, hücumçu Kilian Mbappe həftəsonu matçında ehtiyat tədbiri kimi oynadılmayıb və Çempionlar Liqası görüşündə start heyətində olacaq. Futbolçunun dizində müəyyən narahatlıq olsa da, onun vəziyyəti qənaətbəxş hesab edilir.

Madrid klubu diskvalifikasiya səbəbindən Raul Asensio və Rodriqodan məhrum olacaq. Bundan əlavə, Jud Bellinqem bud nahiyəsi zədəsi səbəbindən oynaya bilməyəcək. Eder Militao isə hələ bərpa prosesini davam etdirir.

“Real”ın “Benfica”ya qarşı oyun üçün proqnozlaşdırılan start heyəti: Kurtua; Karreras, Huysen, Rüdiger, Aleksander-Arnold; Kamavinqa, Çuameni, Valverde; Vinisius, Mbappe, Arda Güler.

Namiq HUN

TodayPress TV