“Barselona”nın Bastoni transferi baş tutmaya bilər

Alessandro Bastoni karyerasını “Inter”də davam etdirmək niyyətindədir.

TodayPress TV xəbər verir ki, “Corriere dello Sport” nəşrinin məlumatına görə, müdafiəçi “Barselona”nın marağına baxmayaraq, yaxın perspektivdə klubunu dəyişmək istəmir.

Bildirilir ki, Kataloniya təmsilçiləri futbolçunun ətrafı ilə əlaqə saxlasalar da, tərəflər arasında konkret danışıqlar mərhələsinə keçilməyib. Bastoni isə mövqeyində qalaraq “İnter”də çıxışını davam etdirmək qərarındadır.

Milan təmsilçisinin rəhbərliyi italiyalı müdafiəçini komandanın əsas fiqurlarından biri hesab edir və onun komandada qalacağına ümid bəsləyir.

Qeyd edək ki, daha əvvəl “Barselona”nın 45 milyon avroluq ilk təklifi “İnter” tərəfindən rədd edilib. İtaliya klubu futbolçu üçün ən azı 60 milyon avro tələb edir.

Namiq HUN

TodayPress TV