Azərbaycanı tituldan bir oyun ayırır
Bakıda keçirilən minifutbol üzrə dünya çempionatında baş mükafat uğrunda finalda yarışacaq komandaların adına aydınlıq gəlib.
TodayPress TV xəbər verir ki, Azərbaycan millisinin həlledici oyunda rəqibi Macarıstan seçməsi olub.
Macarıstan kollektivi mundialın ikinci yarımfinal qarşılaşmasında Serbiya millisini penaltilər seriyasında (3:1) məğlub edərək finalda Azərbaycanla qarşılaşmaq hüququ qazanıb.
Yarımfinalda millimizə (2:1) məğlub olan Monteneqro isə üçüncü yer uğrunda görüşdə Serbiya ilə münasibətlərinə aydınlıq gətirəcək.
Mundialın mükafatları uğrunda oyunlar iyunun 1-də keçiriləcək.
Namiq HUN
