Azərbaycan millisi Moldova yığmasına qalib gəldi
Bakıda təlim-məşq toplanışında olan 16 yaşadək futbolçulardan ibarət Azərbaycan milli komandası ikinci yoxlama görüşünə çıxıb.
TodayPress TV xəbər verir ki, U-16 Moldovanın müvafiq yaş qrupundan ibarət komandası ilə qarşılaşıb.
Binə stadionunda təşkil olunan oyun Aqil Nəbiyevin başçılıq etdiyi yığmanın 2:1 hesablı qələbəsi ilə yekunlaşıb. Millimizin heyətində qolları Şikar Şikar və Ömər Kosayev vurublar.
Qeyd edək ki, bu komandalar arasında iyunun 19-da keçirilən ilk oyunda isə Azərbaycan millisi 3:2 hesablı qələbə qazanıb.
