“Araz-Naxçıvan” almaniyalı hücumçu ilə gücləndi

Avrokuboklara hazırlaşan “Araz-Naxçıvan” klubu heyətinə daha bir futbolçu cəlb edib.

TodayPress TV Naxçıvan təmsilçisinin mətbuat xidmətinə istinadən xəbər verir ki, Çance Simakala Ba-Muaka ilə 1 illik müqavilə imzalanıb.

Sağ-sol cinah yarımmüdafiəçisi və hücumçu mövqeyində çıxış edən  Simakala müxtəlif illərdə Almaniyanın “Borussiya Münhenqladbax”, “Elfersberq”, “Redinqhausen”, “Kayzerslautern”, “Xolştayn Kil” və  Niderlandın “Roda Kerkrad” klublarında forma geyinib. O, son mövsümü III Bundesliqa təmsilçisi olan “Osnabruk” komandasında keçirib. Çance Simakala 2014-cü ildə Almaniyanın U-18 millisinin də formasını geyinib. 

Namiq HUN