69 qol, 8 qələbə: Rusiya millisi dünya çempionatında 19-cu oldu!
Rusiyanın 2011-ci il təvəllüdlü futbolçulardan ibarət U-15 millisi dünya çempionatı və FIFA festivalında 189 ölkə komandası arasında 19-cu yeri tutub.
TodayPress TV xəbər verir ki, rusiyalı futbolçular 19-cu yer uğrunda görüşdə Bosniya və Herseqovina yığmasını 7:0 hesabı ilə darmadağın ediblər.
Rusiya millisi daha əvvəl ilkin mərhələnin qrupunda Türkiyə, Əfqanıstan, Syerra-Leone, Sudan və Cibuti komandalarını geridə qoyaraq birinci yeri tutub. Beş oyunun hamısında qələbə qazanan komanda 15 xal toplayıb və top fərqi 44:1 olub.
Rusiya yığması pley-off mərhələsinin 1/16 finalında Meksikaya 2:3 hesabı ilə uduzub. Bundan sonra 17-32-ci yerlər uğrunda mübarizəyə qoşulan komanda Cənubi Koreyanı 4:1, Kamerunu isə 9:2 hesabı ilə məğlub edib. Peru ilə qarşılaşmada isə əsas vaxt 3:3 hesabı ilə başa çatıb və rusiyalılar penaltilər seriyasında 4:5 hesabı ilə uduzublar.
Beləliklə, Rusiya millisi turnirdə keçirdiyi 10 oyunun səkkizində qələbə qazanıb, iki dəfə məğlub olub. Komanda ümumilikdə 69 qol vurub.
Namiq HUN
