Mağazadan oğurluq edən şəxs saxlanıldı

Nəsimi rayonunda talama cinayəti qeydə alınıb. Paytaxt sakininə məxsus mağazadan 700 manat pul oğurlanıb.

Bu barədə TodayPress TV-yə DİN-dən məlumat verilib.

Nəsimi RPİ-nin 20-ci Polis Şöbəsinin əməkdaşları tərəfindən keçirilən əməliyyat-axtarış tədbiri ilə əməli törətməkdə şübhəli bilinən 25 yaşlı Ə.Bədəlov tutulub.

Sumqayıt ŞPİ-nin 4-cü Polis Bölməsinin əməkdaşları tərəfindən keçirilən tədbir zamanı isə vətəndaşın bank kartından 1498 manat pul oğurlamaqda şübhəli bilinən 22 yaşlı Z.Teymurxanov saxlanılıb.

Faktlarla bağlı araşdırma aparılır.