Zelenski İsrailə səfər edəcək

İsrail Ukrayna prezidenti Volodimir Zelenskini istənilən vaxt qəbul etməyə hazır olduğunu bildirib.

TodayPress TV xəbər verir ki, bu barədə "RBC" məlumat yayıb.

Məlumata görə, İsrailin Ukraynadakı səfiri Mixael Brodski deyib ki, səfərin baş tutacağına ümid edirlər, amma hələlik konkret tarix yoxdur. Zelenskinin 2023-cü ilin sonunda İsrailə getmək planı təxirə salınıb.

Səfir həmçinin bildirib ki, bu payız Ukraynaya gələcək israilli zəvvarlar üçün təhlükəsizlik tədbirləri əvvəlki illərdə olduğu kimi təmin ediləcək. 

Onun sözlərinə görə, ötən illərdə Ukrayna qüvvələri həcc ziyarətinin təhlükəsiz keçməsi üçün səy göstəriblər və bu il də oxşar əməkdaşlıq gözlənilir.

Türkan İsgəndərli