Yaponiyada qrip sürətlə yayılır

Dünya

24.11.2025 07:23

Yaponiyada təyin olunmuş tibbi müəssisələrdə qeydə alınan qrip xəstələrinin orta sayı xəbərdarlıq həddini rekord dərəcədə keçib.

TodayPress TV xəbər verir ki, noyabrın 10–16-sı arasında ölkə üzrə təxminən 3 min tibb müəssisəsindən ümumilikdə 145 526 nəfər qrip xəstəsi bildirilib.

Bu hər müəssisəyə orta hesabla 37,73 nəfər deməkdir və 30 nəfərlik xəbərdarlıq həddini aşır.

Məlumata görə, göstərici ötən mövsümlə müqayisədə 5 həftə daha tez xəbərdarlıq səviyyəsinə çatıb. Yaponiyanın 47 prefekturasından 24-də hədd keçilib.

Qiymət Mahir

tag: Yaponiya,Tibb,Qrip,Yayılma,Todaypress.tv,