Trampın sui-qəsdini proqnozlaşdıran keşişdən yeni iddia
"ABŞ-də yaxın günlərdə güclü zəlzələ baş verə bilər".
TodayPress TV xarici KİV-ə istinadən xəbər verir ki, bu barədə Oklahomadan olan keşiş Brendon Deyl Biqs proqnoz verib.
Keşişin sözlərinə görə, zəlzələ Qüdsün bölünməsi cəhdindən üç gün sonra baş verəcək:
“Rəbb mənə dedi... Üç günlük bir pəncərə görəcəksiniz. Bu, insanların qaçması üçün zamandır”, - Biqs minlərlə insanın ölümünə səbəb ola biləcək fəlakət barədə xəbərdarlıq edib.
Keşiş zəlzələnin Nyu Madrid fay xətti boyunca baş verəcəyini iddia edib:
“Proqnozlaşdırılan zəlzələ Missuri, Arkanzas, Tennessi, Kentukki və İllinoys ştatlarına təsir edəcək və ölənlərin sayı yüz minlərlə olacaq”.
Qeyd edək ki, Brendon Biqs ABŞ Prezidenti Donald Trampa qarşı edilən sui-qəsdi üç ay əvvəl proqnozlaşdırması ilə məşhurlaşıb.
Jalə Rövşən
