Trampın sərvəti 1,1 milyard dollar azaldı
ABŞ Prezidenti Donald Trampın sərvəti 2025-ci ilin sentyabrından bu yana 1,1 milyard dollar azalaraq 6,2 milyard dollara çatıb.
TodayPress TV xəbər verir ki, bu barədə "Forbes" jurnalı məlumat yayıb.
Nəşrin məlumatına görə, itkilər sentyabrda 17 dollar civarında satılan "Trump Media & Technology Group"un səhmlərinin qiymətinin azalması ilə bağlıdır. Hazırda şirkətin bir səhmini 10,30 dollara almaq olar.
Amerika lideri Forbesin milyarderlər siyahısında 595-ci yerdədir. Sentyabrın əvvəlində jurnal Trampın sərvətinin 7,3 milyard dollara çatdığını və onu dünyanın ən varlı adamları siyahısında 201-ci yeri tutduğunu bildirib.
