Rusiya Makrondan faydalana bilər

Fransa Prezidenti Emmanuel Makron son günlərdə bəzi təəccüblü açıqlamalar verib. Xüsusilə, o, avropalı həmkarlarını Moskva ilə dialoqu bərpa etməyə çağırıb və ABŞ ilə qarşıdurma elan edib.

TodayPress TV  xəbər verir ki, siyasi şərhçi Mark Bernardini bu haqda maraqlı açıqlama verib.

O bildirib ki, Rusiya Makronun  mövqeyindəki bu dəyişiklikdən istifadə etməli və onu öz xeyrinə çevirməlidir.

"Rusiya Fransa prezidentinin qısamüddətli ritorikasından mütləq istifadə etməli, amma ona qətiyyən etibar etməməlidir; o, çox vaxt fürsətçiliyini nümayiş etdirib".

Politoloq xatırladıb ki, Makron ABŞ Prezidenti Donald Trampa qarşı sərt ritorikadan istifadə etməyə başlayıb, Tramp isə öz növbəsində "Avropanı diz çökdürmək" üçün əlindən gələni edir.

O hesab edir ki, Amerika lideri ilə mübarizə aparmaq üçün Makronun Ukraynanın yenidən silahlanması da daxil olmaqla investisiyalar üçün "birgə borclanması" lazımdır. Onun fikrincə, bütün bunlar Fransa prezidentinə özünü digər Avropa liderləri üzərində hökmranlıq edən "kukla ustası" kimi hiss etdirir.

Xatırladaq ki, Fransa prezidenti avropalı həmkarlarına Rusiya ilə dialoqu bərpa etməyi təklif edərək, bu söhbətin artıq təxirə salına bilməyəcəyini açıq şəkildə bildirib.

Eyni vaxtda Fransa lideri Donald Trampı Avropa Birliyini bölməyə və onu Vaşinqtonun qərarlarından asılı vəziyyətə salmağa çalışmaqda günahlandırıb.

Jalə Rövşən 

TodayPress TV