Polşa ABŞ-nin Ukrayna ilə bağlı qərarına görə məyusdur

Polşanın müdafiə naziri Vladislav Kosinyyak-Kamış ABŞ-nin Ukraynaya hərbi yardımı müvəqqəti dayandırmaq qərarından təəssüfləndiyini bildirib. 

TodayPress TV xəbər verir ki, bu barədə "TVN" məlumat yayıb.

Məlumata görə, nazir bu qərarın Polşa və region üçün arzuolunmaz nəticələr doğura biləcəyini qeyd edib.

Onun sözlərinə görə, avropalı tərəfdaşlar Ukraynaya dəstək üçün əllərindən gələni etsələr də, ABŞ-nin iştirakı kritik əhəmiyyət daşıyır.

Xatırladaq ki, iyulun 2-də ABŞ Ukraynaya "Patriot" hava hücumundan müdafiə sistemləri, zenit raketləri, dəqiq idarə olunan sursatlar və 155 mm-lik mərmilərin göndərilməsini dayandırıb. 

Türkan İsgəndərli