Papa Putinlə danışdı

Katoliklərin ruhani lideri Papa XIV Leo ilə Rusiya prezidenti Vladimir Putin arasında telefon danışığı baş tutub. 

TodayPress TV xəbər verir ki, bu barədə Vatikan və Kreml məlumat yayıb.

Danışıqda əsas diqqət Ukraynadakı vəziyyətə və sülhün təşviqinə yönəlib.

Vatikandan bildirilib ki, Papa Rusiyanı sülh yönümündə addımlar atmağa çağırıb və münaqişənin həllində dialoqun vacibliyini vurğulayıb.

Kremlin açıqlamasında isə qeyd olunub ki, prezident Putin siyasi və diplomatik yollarla böhranın həllinə tərəfdar olduğunu bəyan edib və böhranın köklü səbəblərinin aradan qaldırılmasının vacibliyini vurğulayıb. O, həmçinin sülh təşəbbüslərinə görə Papaya təşəkkür edib.

Türkan İsgəndərli