Myanmada monastıra hava zərbəsi oldu

Myanmanın Sikaing bölgəsində yerləşən Lintalu kəndindəki monastıra endirilən hava zərbəsi nəticəsində azı 23 nəfər, o cümlədən 4 uşaq həyatını itirib.

TodayPress TV xəbər verir ki, bu barədə “Reuters” agentliyi yerli şahidlərə istinadən məlumat yayıb.

Hadisənin səhər saatlarında baş verdiyi və zərbənin Myanma hərbi xuntasına tabe olan Dövlət İdarəetmə Şurasının Hərbi Hava Qüvvələri tərəfindən endirildiyi bildirilir.

Narahatlıq doğuran digər məqam isə odur ki, həmin monastır ordu ilə prodemokratik qüvvələr arasında gedən döyüşlərdən qaçaraq sığınacaq axtaran təxminən 200 mülki vətəndaş üçün təhlükəsiz məkan kimi istifadə olunurdu.

Qiymət Mahir