Macarıstan Ukraynaya ayrılan büdcəyə qarşı çıxdı

Avropa Komissiyasının 2028–2034-cü illər üçün hazırladığı 2 trilyon avroluq büdcədə Ukraynaya 366 milyard avro ayrılması nəzərdə tutulur. Macarıstan bu yanaşmaya qəti şəkildə etiraz edir.

TodayPress TV xəbər verir ki, bu barədə Macarıstanın Aİ məsələləri üzrə naziri Yanoş Boka “Kossuth” radiosuna açıqlamasında bildirib. 

Onun sözlərinə görə, bu, Avropa İttifaqı tarixində ilk dəfədir ki, xarici tərəfin maraqları üzv ölkələrin və onların vətəndaşlarının maraqlarından üstün tutulur. 

Boka əlavə edib ki, Ukraynaya ayrılması planlaşdırılan 366 milyard avro Aİ-nin kənd təsərrüfatı sektoruna yeddi illik dövr üzrə nəzərdə tutduğu minimum dəstək göstəricisini də geridə qoyur.

Qiymət Mahir