MAA bazara 400 milyon barel fövqəladə neft ehtiyatı çıxaracaq

Beynəlxalq Enerji Agentliyinə (MAA) üzv ölkələr qlobal bazarlara fövqəladə ehtiyatlardan 400 milyon barel neft çıxarmağa hazırlaşır.

TodayPress TV xəbər verir ki, bu barədə təşkilatın rəsmi saytında yayılan bəyanatda bildirilib.

Qeyd olunub ki, neft ehtiyatları 11 mart tarixli qərara uyğun olaraq yaxın vaxtlarda bazara yönəldiləcək. Bu addım tədarükdə yaranmış problemləri aradan qaldırmaq məqsədi daşıyır.

MAA-nın məlumatına görə, ehtiyat neft ilk növbədə Asiya və Okeaniya bazarlarına göndəriləcək. Şimali və Cənubi Amerika, eləcə də Avropaya tədarükün isə martın sonlarında başlanacağı gözlənilir.

Təşkilat bildirib ki, bu qərar Yaxın Şərqdəki münaqişə fonunda enerji bazarlarında yaranan qiymət gərginliyini azaltmaq məqsədilə keçirilən fövqəladə iclasda qəbul edilib.

Qiymət Mahir