Kiyevə köhnə raketlər göndərilir - Yeniləri haradadır?

ABŞ Ukraynaya “Patriot” hava hücumundan müdafiə sistemləri üçün nəzərdə tutulan daha müasir raketlərin tədarükünü gecikdirir.

TodayPress TV xəbər verir ki, bu barədə NATO-dakı mənbəyə istinadən “Radio Svoboda” məlumat yayıb.

Bildirilib ki, ABŞ əsasən ballistik raketlərin ələ keçirilməsi üçün nəzərdə tutulan PAC-3 raketlərinin Ukraynaya çatdırılmasını gecikdirir.

Bununla yanaşı, daha köhnə PAC-2 raketlərinin tədarükü davam edir. Əsasən təyyarələrə və qanadlı raketlərə qarşı istifadə olunan bu raketlər PURL təşəbbüsü çərçivəsində Ukraynaya göndərilir.

NATO-dakı mənbənin sözlərinə görə, PAC-3 raketlərinin tədarükündə yaranan gecikmə hazırda yüksək siyasi səviyyədə müzakirə olunur.

Lakin problemin nə vaxt həll ediləcəyi və müasir raketlərin tədarükünün nə zaman bərpa olunacağı hələlik məlum deyil.

Kübra Musayeva