İran ABŞ ilə danışıqların şərtlərini açıqladı

İranın xarici işlər naziri Abbas Əraqçi bildirib ki, ABŞ tərəfinin İrana qarşı yenidən hücum etməyəcəyi barədə zəmanət verməsi Vaşinqtonla danışıqların bərpası üçün vacib şərtdir.

TodayPress TV xəbər verir ki, o, bu barədə "CBS News"a müsahibəsində deyib.

Onun sözlərinə görə, amerikalılar belə zəmanət versələr, danışıqların davam etdirilməsi qərarı veriləcək, amma bu qərar üçün hələ vaxt lazımdır.

Əraqçi əlavə edib ki, İsraillə 12 günlük münaqişə zamanı İran özünü müdafiə edə bildi və təkrar hücum olarsa, buna hazırdır.

Nazir diplomatik həll üçün hər zaman fürsət olduğunu da vurğulayıb.

Türkan İsgəndərli