Bessent: "Fars körfəzində dəniz daşımaları artır"

ABŞ Maliyyə Naziri Skott Bessent Vaşinqtonun Fars körfəzində dəniz gəmiçiliyinin həcmində artım müşahidə etdiyini iddia edir.

TodayPress TV xəbər verir ki, bu barədə o, Ağ Evdə keçirilən kabinet iclasında bildirib.

“Biz körfəzə və körfəzdən kənara getdikcə daha çox hərəkətlilik müşahidə etməyə başlamışıq. Mən əminəm ki, biz boğazların təhlükəsizliyini təmin etməzdən əvvəl belə, dəniz daşımalarının həcmi hər keçən gün artacaq", - deyə Bessent qeyd edib.

Nazirin sözlərinə görə, ABŞ-nin Beynəlxalq İnkişafın Maliyyələşdirilməsi Korporasiyası tərəfindən gəmilərin sığortalanması proqramı kimi qətiyyətli tədbirlər və ABŞ Silahlı Qüvvələrinin Mərkəzi Komandanlığının addımları tezliklə Fars körfəzi zonasında yüklərin daşınması ilə məşğul olanlar üçün indiyədək görülməyən səviyyədə təhlükəsizliyi təmin etməyə imkan verəcək.

Aysel Mətləb

TodayPress TV