Ankaradan qalxan təyyarədə bomba həyəcanı – Sərnişinlər təxliyə edildi
Ankaradan Şanlıurfaya uçan AJet aviaşirkətinə məxsus sərnişin təyyarəsində partlayıcı maddənin olduğu barədə qeyd aşkarlanıb.
TodayPress TV xəbər verir ki, bundan sonra təhlükəsizlik qüvvələri hərəkətə keçib.
Təyyarə saat 20:05-də Şanlıurfa GAP Hava Limanına təhlükəsiz şəkildə enib.
Şanlıurfa valisi Hasan Şıldak bildirib ki, təyyarədə 136 sərnişin və 7 ekipaj üzvü olub.
Onun sözlərinə görə, sərnişinlərin təhlükəsiz şəkildə təxliyəsindən sonra təhlükəsizlik qüvvələri tərəfindən təyyarədə partlayıcı maddənin olub-olmaması ilə bağlı axtarış aparılacaq.
Aysel Mətləb
