Almaniyada Ukrayna ilə bağlı Təhlükəsizlik Şurasının iclası keçirildi

Dünya

23.11.2025 08:33

Şənbə günü Almaniyada kansler Fridrix Merzin sədrliyi ilə Təhlükəsizlik Şurasının iclası keçirilib.

TodayPress TV xəbər verir ki, Almaniya hökumətinin sözçüsü Stefan Kornelius jurnalistlərə iclasda Ukraynadakı vəziyyətin müzakirə olunduğunu deyib.

"Bu gün Milli Təhlükəsizlik Şurası Federal Kanslerin sədrliyi ilə iclas keçirib. Qurum Ukraynaya qarşı müharibə ilə bağlı mövcud hadisələri müzakirə edib. Kansler Milli Təhlükəsizlik Şurasının üzvlərinə Avropa və beynəlxalq tərəfdaşlarla apardığı müzakirələr barədə məlumat verib", - bəyanatda bildirilir. 

TodayPress TV

tag: Almaniya,Fridrix Merz, Ukrayna,Təhlükəsizlik Şurası, todaypress.tv,